Tabata despues di 1’or di merdia cu informe a drenta di un accidente cu a tuma lugar riba e Green Corridor na altura di Isla di Ora.
Aki ta trata di un Toyota Yaris cu a subi e caminda sin duna preferencia na un Hyundai Accent cora cu tabata bini di pariba. Fuera di algun blikschade, e chauffeur femenino di e Toyota Yaris tabata keha di su ribchinan na su banda robes unda e Hyundai a dal. E chauffeur di Hyundai mes tabata mustra ok, pero tabata keha di sinti su pia ta haci dolor.
Takelwagen mester a bin pa hala e Hyundai for di caminda. Presencia di ambulance tambe a wordo pidi pa atende cu esnan herida.
