Den careda di 10:45 di anochi, patruya di Strand Politie a ser dirigi na e crusada di Alhambra. Eynan a sosode un accidente atrobe. Na yegada di patruya a bin topa cu e accidente entre un Kia Picanto color blanco numera A-71948 y un Nissan March color cora numera A-36232.
Ora polis a bay chek kiko a sosode, e manehador di e Nissan March ta conta polis cu e tabata bayendo direccion noord y ora e ta yegando e crusada, e Kia Picanto a sali su dilanti y e no por a haci nada pa evita. Pesey a dal den e Kia Picanto. Ningun hende a resulta herida. Daño material si ta basta riba ambos auto. Polis di trafico a presenta na e sitio pa asina chek kiko exactamente a sosode. Despues a hala e autonan for di caminda.
