Diasabra, pa mas of menos 6:40 di atardi, a sosode un caso for di normal den area di hotel. Ta trata aki di un hoben cu accidentalmente a dal un peaton. Con exactamente e accidente a tuma luga ta desconoci, pero e situacion a escala asina halto cu casa di e peaton, un hende muhe, a bay busca un cuchiu y a hinca e hoben chauffeur na su brasa.
Polis a presenta na e sitio pa por tuma rienda di e situacion cu a bay fo’i control. A detene e agresor y un otro persona mas kende tambe tabata envolvi den e hincamento. Mientras tanto a yama pa dos ambulance pa asina atende cu e peaton y tambe cu e chauffeur cu tabatin e hinca.
