ABV: Pro marihuana medicinal pero contra recreacional!

1484

E tema di legalisacion di marihuana ta hopi controversial cu continuamente ta den noticia ultimo simannan. Diferente organisacion den comunidad ya caba a expresa nan mes riba e tema aki, manera Sindicato di Polis Aruba (SPA) y Sindicato di Maestronan di Aruba (SIMAR). E motibo pakico nan a bini afo cu nan posicion ta pasobra nan ta biba den carni propio e consecuencianan cu droga ta trece cun’e.

E biaha’ki tabata Sindicato di Trahadonan den Cuido (ABV) cu a dicidi di splica pakico nan a tuma e posicion contra legalisacion di marihuana.

ABV dividi den legalisacion marihuana: pro medicinal contra recreacional

ABV dividi den legalisacion marihuana: Ta PRO cannabis medicinal pero ta CONTRA esun recreacional!

Posted by 24ora on Sunday, December 8, 2019

Presidente di ABV Gina Maduro, kende ta trata den seccion di emergencia di hospital, unda tur hende malo di gravedad ta yega pa haya ayudo. Como ABV, el a cuminsa pa splica, no por bisa cu nan ta totalmente contra. Pasobra tin un grupo cu ta pro y otro cu ta contra. Esnan cu ta pro ta boga pa e cannabis medicinal, specialmente pa e pashentnan di cancer. E division ta den e parti recreacional. Principalmente bou di hobennan cu no ta controla esaki y ta bay abusa di dje, cuminsando for di 12 aña of menor.

Di otro banda, como enfermero, el a bisa, nan ta keda confronta diariamente cu casonan bou di hoben- y adultonan, pero tambe bou di turistanan. Por mira e abuso cu ta tumando luga y e consecuencianan grave cu esaki ta trece cun’e. Pero tambe division cu e ta trece den famia, y muchanan cu ta bandona nan estudio. P’esey e miembronan di ABV ta dividi riba e tema aki.

Maduro a bisa cu e parti medicinal no tin problema, pero cu e parti recreacional si. E hendenan no sa con pa anda cu e parti aki y no tin e informacion of educacion riba e parti aki. Den KPA, unda ta envolvi diariamente cu e problema aki y tambe na scol, unda muchanan ta bini bou influencia di droga.

Hopi ta esnan cu a yega emergencia pa ayudo ta pasobra nan a uza mal cos y ta haya halucinacion. Nan ta trata di purba algo cu no ta bon y ta haci mal efecto riba nan. Semper na nan yegada cu problema asina, ta haci test di droga y ta constata cu tin rastro di marihuana den nan sanger.

Nan conseho na Parlamento ta pa wak e ley bon, prome cu pas’e. Mester separa e uzo di e droga aki, principalmente kico ta medicinal. E mester ta un bon ley hinca den otro prome cu e wordo pasa, pa evita cu un grupo grandi ta wordo afecta.

El a anuncia tambe cu pronto den tur area di cuido ta bay cu un maneho pa cu droga, unda ta haci test pa control riba uzo di esaki.