Pa exactamente 3’or di atardi organisadonan di un demostracion contra abuso di mucha tabata dilanti Corte pa mustra nan preocupacion pa cu casonan di abuso di mucha. “Ta Basta” ta e lema cu nan a uza.
Ta prome biaha a mira un cantidad asina grandi di hende uni pa un causa, cu no ta politico. Por a mira hendenan grandi, mucha chikito, hoben y adultonan hunto riba e plasa dilanti sede di Corte.
E ceremonia a cuminsa cu un oracion pa tur cos marcha bon. E intencion ta pa duna dos charla, dos testimonio y djei entrega un peticion na un representante di Corte prome nan cana bay direccion di Parlamento.
