Awe mainta docentenan a bin haya un sorpresa basta desagradabel, ora cu nan a haya varios glas di bentana kibra. E dia prome tur cos tabata na ordo.
Awo nan tin e miedo cu mientras cu tur hende ta cu vakantie awo cu ta bay tin dianan di fiesta, e miedo tey cu lo kibra mas bentana.
Docentenan no sa pakico esaki ta sosode.
Segun cu tin di compronde cu ya DOW a haci varios cambio na e bentananan y awo a bin haya glas kibra atrobe.
Loke ta mas tristo ta cu DOW tin cu warda pa aprobacion pa asina por ordo e glasnan, a base di presupuesto.
Ultimo biaha cu a haci un ordo asina, a tarda cuater luna prome cu nan a yega.
Pa colmo tin siguridad den dia so. Tin sistema di alarma, pero, no tin camara cu ta mira p’afo di e edificio, sino solamente riba e plenchi.
Mirando e circunstancianan y no solamente cu Maria School, awo tambe cu Abraham de Veer School, mester tuma un accion mas pronto posibel pa asina preveni cu mas vandalismo tuma luga na nos scolnan.
