Abogado Zuhaila Arendsz-Marchena: Ta uza ley seco den ocasionnan excepcional

3049

Den e dianan aki ta tende hopi di ley seco. Zuhaila Arendsz-Marchena, como abogado a splica cu ley seco no ta un ley riba su mes, cu ta in ley cu ta existi riba su mes.

E ta un ministeriele beschikking cu ta sali for di un ley. Minister tin diferente ley cu e por basa su mes pa introduci un ley seco. Esey por ta por ehempel e Calamiteitverordening artikel 16, caminda cu e por introduci un ley seco, den caso cu tin un miedo pa yega na un situacion mas pio di nos situacion cu nos ta aden awo.

Pero tambe tin un otro posibilidad cu ta bay ta tambe riba articulo 56 di Vergunningsverordening. E ultimo biaha cu a conoce un ley seco, ta hopi tempo pasa. No ta algo cu ta bin tur siman of tur luna. 

E ta algo cu ta wordo uza den ocasionnan excepcional. E ley seco no ta un ley cu ta vigente cu ta djis sak’e fo’i lachi, pero e ta algo cu ta wordo treci, e ta wordo introduci basa riba otro leynan pa un momento cu ta necesario of caminda cu e ta un circunstancia special.

Abogado Zuhaila Arendsz-Marchena: Ta uza ley seco den ocasionnan excepcional

Abogado Zuhaila Arendsz-Marchena: Ta uza ley seco den ocasionnan excepcional

Posted by 24ora on Thursday, September 17, 2020

Kico e kiermen

Depende atrobe riba cua leynan e minister ta dicidi di uza pa e implementa e ley seco. Si ta basa riba e Calamiteitsverordening, e ta wordo implimenta. Tin un diferencia basta grandi den e dos leynan aki qua implementacion.

E Calamiteitsverordening ta ora cu tin un situacion peligroso, caminda un minister mester actua lihe, decisionnan mester cay y wordo anuncia hopi lihe.

Basa riba Calamiteitsverordening, e ley ta drenta na vigor, automaticamente ora cu anunci’e den media.

Basa riba e vergunningverordening, e tin di cana un otro proceso. E tin cu bin den su Ministeriele Beschikking, e mester ta firma, e ora e ta wordo afgekondigd, e ora e ley ta drenta na vigor.

Dependiendo cua di e dos procesonan e minister cana. A abogado ta asumi, cu e minister no a introdci un ley seco ainda. Por asumi cu e lo ta basa riba e Calamiteitsverordening. E ta keda na e minister di dicidi e ora kico e ta bay hinca den e ley.

Den e ultimo cu a conoce cu tabata dia 28 di augustus 2017, manera custumber, ora cu tin eleccion, ta introduci ley seco.

Si por pasa riba dje, e puntonan cu tabata tin den e ley seco, tabata por ehempel tiendanan cu ta bende otro mercancia cu no ta alcohol, por ehempel supermercadonan, nan por a keda habri semper y cuando nan no ta bende alcohol.

Hotelnan, of luganan caminda cu hendenan ta hospeda. Por keda habri tambe y nan no ta permiti pa bende of entrega bebida di alcohol fuerte, si no ta solamente na nan huespednan cu no ta residente.

Aunke si ta kedando na un hotel, ora cu e ley aki a wordo introduci y ta un residente, abo no tin derecho di cumpra alcohol, pero e turista si.

Un restaurant tambe por keda habri, pero e no por bende alcohol. Y un refresqueria ta mesun cos. Esey tabata e stipulacionnan di e ley seco di 28 di augustus 2017.

E no a stipula bao di ningun circunstancia si ta wak cu un hende no por bebe alcohol. E tabata simplemente basa riba benta di alcohol e momento ey.

Si introduci un ley seco y e ta bay inclui cu hende no por bebe alcohol riba caya, esey ta algo cu ta keda pa e minister. E ora ey mester wak si esey ta e caso.

Fiesta na cas

Mester separa dos cos si. Fiesta na cas y alcohol. En realidad awor aki basa riba e medidanan cu tin awor aki, no tin mag di tin fiesta na cas. No tin mag di tin aglomeracion di hende. Pa esey caba polis por bin y para y stop bo cu e fiesta.

Pa loke ta alcohol, tin algun principio di ley cu ta dal contra otro. Tin por ehempel cu un hende tin su derecho di tin libertad den su cas. Y otro banda tin cu polisnan tin cierto autoridad pa drenta den un cas di hende.

E ora ey, bo ta bay tin un spanning entre e dosnan ey y por mira e ora cua di nan tin preferencia. Den e caso cu un polis kier drenta cas, e mester pidi permiso na e doño di cas. Si e no pidi esey, e tin mester di un machtiging. Su autoridad pa drenta bo cas ta basa riba e wetartikelen di strafrecht. 

E momento cu bo tin un hende cu ta bebiendo alcohol na su cas, sea lo que sea bo a prohibi’e, si e prohibicion ey no ta wordo cualifica como un delito criminal, e ora ey polis no por drenta den bo cas sin mas.

Pero e no lo por drenta tampoco cu un machtiging. E ta bay ta tiki dificil, si bo tin algun hende, cu no ta algo cu bo ta encurasha pa hende haci, pero lo tin tension caminda cu derecho di e personanan mester ta respeta, semper y cuando polis mester por haci su trabao tambe.

Mensahe

Como persona, e abogado a splica cu tur hende ta preocupa cu e situacion cu Aruba ta aden awor aki. Ta preocupa cu salud di nos hendenan. Tur ta pidi y tambe ta purba duna di nan parti pa por yega na stop e plamamento di e virus aki pa por bay bek pronto na normalidad.