Abogado Desiree Croes: Rector di Colegio Arubano no a haci nada robes

Desiree Croes ta abogado di rector di Colegio Arubano, Tim Croes. E tabat’ey hunto cu e docentenan durante nan Walk-out.

Diamars a haya un comunicado di Abogado Croes kende a splica riba e situacion na Colegio Arubano. E no tabatin manera pa hustifica e manera con directiva di SVOA a suspende e rector na un manera tiki descabeya, poniendo presion pa SVOA pa nan rectifica e decision aki, pero no a haci esaki.

Esaki a haci a culmina den un accion cu a escala hopi lihe. Den ultimo tempo por a mira hopi mas cu e situacion di Colegio ta pone cu e docentenan ta preocupa. 

Croes ta indica cu nunca antes a mira cu tanto docente ta para tras di nan rector. Pasobra nan sa cu nan rector no a haci nada robes.

Diamars tabatin un reunion, unda cu e tema tabata e trato cu nan ta haya mes for di Stichting SVOA.

Pa hopi tempo caba nan tabatin un problema y dado momento presidente Ernesto Rosenstand a yega y kier a obliga e rector sinta cu ne n’e momento ey. E rector no tabata prepara pa ningun reunion. Ta papiando aki entre 2:00 y 3:00 pm y a indica pa no sinta. E presidente a trek e rector bek paden, cu tabata bisto riba un video cu a circula riba red social.

A yama abogado Croes cu e intencion pa sinta cu e directiva y ningun momento a nenga pa sinta pero cu e abogado presente, mirando e situacion cu a mustra.

Pero wardando riba e reunion, e directiva a dicidi pa suspende e rector y ta algo cu e docentenan no a acepta. A bisa cu e rector no a haci nada robes. E tabata den reunion cu su coleganan y ta straf e pa motibo cu ta oblig’e pa bay splica un momento pa otro kico lo ta pasando, siendo cu en realidad caba lo tin un carta biniendo for di e reunion.

Ta mustra cu e presidente di ta hopi dictatorial, loke el a mustra durante e tempo cu e tabata presidente di SVOA. P’e motibo aki ta den e situacion actual. Fastioso ta cu e muchanan cu tin cu haci nan SE of CP, ta bin scol y e docentenan ta para pafo. Hopi mucha caba no a bin mes pasobra a tende caba e dia anterior cu tin problema na scol. Hasta a haya hoben cu a bisa cu nan ta para tras di nan rector, conociend’e como un persona corecto.

Pa un cobertura mas amplio lesa e edicion di TREMPAN di mañan.