E conocido Abogado mr. Chris Lejuez y su casa Laraine Lejuez a celebra awe nan boda di oro, pues cu nan tin no menos di 50 aña casa cu otro. Hunto cu nan yiunan, nietonan, famia y amistadnan a celebra esaki den El Gaucho Restaurant. Awendia poco pareha casa ta alcansa tanto aña asina di feliz bida matrimonial pa cual e pareha sin duda ta sirbi como ehempel pa hopi otro den comunidad.
E evento a bay compaña pa algun discurso masha particular, recordando e 50 añanan den cual a nabega den e barco di amor hunto. E pareha ta cla pa e siguiente 50 añanan di feliz bida matrimonial cu otro, yena cu amor, comprension y pasenshi cu otro.
