Awor na Aruba: ABJL Group a desaroya diferente “Face Shields”

4072

Den un trabou di arkitecto hopi biaha nan ta creativo cu hopi trabou. Pa motibo di e crisis di e coronavirus nan a dicidi di haci un proyecto di crea un “Face Shield”. Mundialmente tin hopi demanda pa esaki y aki na Aruba tambe. E arkitectonan a cuminsa experimenta un par di diseño y despues di 5 pa 6 prototype traha, a dicidi di traha riba 100.

Tin hendenan cu a perde nan trabou den e crisis aki, p’esey e compania a cuminsa traha cu nan. Greg Lacle, architect4 di ABJL Group, a bisa cu a duna instruccion na e hendenan aki con pa traha e “Face Shield” y ta haci esaki for di cas basa riba e instruccionnan. Asina aki a cuminsa cu e idea y aworaki e demanda ta basta grandi.

Esaki a pone cu nan a dicidi di haci algo pa comunidad. Nan a haci donacion na un par di instancia y hopi hende local ta buscando e “Face Shield”. E virus ta pega hopi lihe y e shield aki por proteha un hende y mantene hopi di comunidad safe.

Awor na Aruba: ABJL Group a desaroya diferente "Face Shields"

Awor na Aruba: ABJL Group a desaroya diferente "Face Shields". Click e link pa mas https://24ora.tv/2UN319a

Posted by 24ora on Wednesday, April 1, 2020

E shield ta consisti di plastic, Styrofoam y tin parti cu ta elastiek pa sinta comodo. Tin diferente model, arkitecto Lacle a bisa. A traha modelnan cu ta hopi comodo. Ora di bisti e “Face shield” por mira cu e ta completamente cera na halto. Un hende por tin su bril bisti y por ahusta esaki cu e ta keda un distancia ful cera padilanti. Tambe e shield ta stretch y ta fit bon na frenta. E “Face shield” ta ‘one size fits all’, segun arkitecto Lacle.

Esnan cu ta interesa por bay na Facebook page Face Shields Caribbean. Tambe por pasa na nan oficina na Shiribana 13, Unit 2 entre 10:00AM y 5:00PM. Pa mas informacion por yama na 5940936. E “Face Shield” tin un costo di AWG. 20,- y tanto hendenan homber, como hendenan muhe y mucha por haci uzo di e shield aki.