E grupo di Pop ABBA a regresa studio pa graba nan prome produccion desde e decada di 80. E cuartero Sueco a bisa cu e material tabata un “consecuencia inespera” di nan decision reciente pa pone hunto un tour di realidad virtual.
“Nos cuater a sinti cu despues di 35 aña, lo ta bon pa uni forsa atrobe y drenta studio,” e banda a bisa riba Instagram. “Y tabata manera cu tempo a para.”
No tin un fecha fiha pa lansamento di e cancionnan nobo – pero un di nan, titula “I Still Have Faith In You”, lo sali na December durante un transmision special di television BBC y NBC.
Vocero di ABBA Gorel Hanser a bisa BBC, cu e atmosfera den studio tabata magico. “Ta manera cu tempo no a pasa,” el a bisa. “Tabata manera antes. Nan tabata contento, e tabata contento y caluroso y e tabata realmente basta conmovedor. No ta ami so tabata e unico cu awa na wowo.”
Pero el a bisa cu e grupo no lo actua en bibo, ya cu nan lo bin den hologramo den e proximo ABBA Avatar Tour.
“Ta un studio moment, mi por priminti,” el a bisa. “No spera hopi.”
E banda a resisti presion pa reforma desde cu nan a stop di graba hunto na 1982, aunke a reporta $1 biyon ofreci pa tour na 2000.
Den un entrevista cu BBC na 2013, Agnetha Faltskog a bisa cu el a prefera di laga e banda den pasado.
“Tabata asina hopi tempo pasa, y nos ta birando mas bieu, y nos tur tin nos bidanan diferente,” el a splica.
Noticia di e material nobo a bin cerca e fanaticonan di ABBA. Un exhibicion imersivo basa riba e carera di e banda actualmente ta den marcha den South Bank na London, mientras cu Chess, e musical cu Bjorn Ulvaeus y Benny Andersson a skirbi hunto cu Sir Tim Rice, ta rebiba den West End.
Un secuela di e version di e pelicula di Mamma Mia!, cu presentacion di Amanda Seyfried, Lily James y Cher, lo sali dia 20 di Juli.
