Amateur Baseball Bon Aruba (ABBA) ta participa na fanaticada di baseball cu diabierna awo 22 di october ta cuminsa e Campeonato Liga Hubenil 2021 den Compleho Deportivo Crismo Angela/Nadi Croes. Un total di 10 ekipo a manifesta nan interes pa participa den e campeonato aki cu ta cay den e categoria 16-19 aña y nan ta como lo siguiente:
1. Rockets Baseball Organization
2. Stars Gillette
3. Quality Chiropractors 1
4. Rotary Sluggers 2
5. Blue Marlins Baseball Organization
6. Noord Indians Baseball Organization (NIBO)
7. Scorpions White Shark Baseball Organization
8. Hammer Shark Garden Fresh
9. Marlboro/ Braves Baseball Organization
10. NBO HEAT Rattlers
Lo hunga e campeonato Liga Hubenil den 2 buelta for di cual lo clasifica e cuater teamnan cu lo hunga un play off ‘best of five’ y despues e play off final lo ta un serie di ‘best of seven’. Lo hunga e weganan tanto den Joe Laveist Sport Park como tambe den Nadi Croes/Crismo Angela Ball Park. Durante un reunion cu directiva di ABBA a tene cu e organisacionnan participante a keda dicidi cu lo hunga wega di 7 inning, mientras cu e weganan di playoff si lo ta hunga 9 inning reglamentario.
ABBA ta invita fanaticonan di baseball y tambe prensa deportivo pa e apertura diabierna awo 22 di october den Compleho Deportivo Crismo Angela/Nadi Croes pa 7:40pm iniciando cu un ceremonia di apertura pa despues 8:00 pm lo canta playball cu e prome partido entre Rockets Baseball Organization y Quality Chiropractors.
Entrada ta 5 florin y mucha bou di 12 aña ta drenta gratis. ABBA ta desea tur e teamnan participante hopi exito y tambe un demostracion di bunita weganan di baseball. ABBA lo publica e schedule proximamente.
