Diabierna tabata otro dia di celebracion unda c’un otro hoben Arubano, Aaron John a gradua.
Aaron a studia pa dokter na Radboud University Nijmegen, for di cual el a gradua na 2016. Despues di esey el a sigui specialisa su mes, unda cu el a bay den direccion di anestesiologo, na e mesun universidad.
Y diabierna, 22 di april 2022 tabata e dia tan spera, unda cu su mama Margareth John y su ruman Shandra John yen di orguyo a ricibi e noticia cu nan yiu y ruman, Aaron a finalisa su estudio cu exito.
Esaki ta sigur e ehempel di un hoben cu a persevera y a logra su meta.
Headlines Group, cas editorial di 24ora.com y TREMPAN ta felicita famia John cu e gran logro aki.
