A vacuna e prome grupo di ciudadanonan

2764

Ayera e vacunanan tan spera a yega Aruba. Awe tardi na Club Don Bosco a cuminsa cu e proceso di vacunacion, entre tur cu a registra. Un total di dies persona a vacuna awe den presencia di minister di salud y otro ehecutivonan di cuido di nos isla.

Den esunnan cu a vacuna na Noord tin ciudadanonan di edad mayor como tambe trahadonan den cuido medico y den prensa. Tur esunnan cu a vacuna mester a registra prome. DVG a firma un carnet pa esunnan cu a vacuna, pa nan tin’e como prueba.

Minister di Salud Publico, Dangui Oduber, a expresa cu e vacunacion tabata exitoso. Por fin por mira un luz na horizonte y cu den algun tempo lo termina cu e pandemia aki. E meta ta pa vacuna 85% di e poblacion prome cu e temporada di horcan. A traha un plan di con lo vacuna den e proximo dianan. Segun e mandatario, dia 6 di maart e di dos lote ta yega cu e mesun cantidad di vacuna cu a yega diamars atardi.

Prome 10 hende ta ricibi nan vacuna

E prome grupo di hende ta ricibi nan vacuna

Posted by 24ora on Wednesday, February 17, 2021

Jurette Croes, vocero di DVG, a splica con e proceso di e proyecto a bay. E persona ta yega, ta registra y ta haya su vacuna y un otro grupo ta pasa firma nan carnet. Ta percura cu e persona ta sinti su mes bon, ta keda sinta pa diescinco minuut y despues cu e no ta sinti nada e por bandona.

ESUNNAN CU A VACUNA

Ronchi de Cuba a tuma su vacuna y a splica con su experencia a bay cu e vacuna. P’e tabata super importante pa tur Arubiano aporta na bienestar di nos pais. Un di esunnan cu a vacuna ta contento di por a haya e vacuna y ta hacie pa nan mesun salud. Na di dos luga, ta pa cuida nan famia y na di tres luga pa bienestar general pa por mira economia di Aruba cuminsa draai bek. Ruben Garcia tambe a tuma e vacuna y e ta sinti su mes bon. E no a sinti nada y cu el a tum’e pasobra ta kere cu esaki ta e unico solucion. Y asina ta yuda combati e pandemia.

Nomber di e personanan cu a ricibi vacuna riba dia di awe:

  1. Dr. Kelvin Cayama – risico groep
  2. Ruben Garcia – 60+
  3. Jacky Wernet – risico groep
  4. Jossy Lacle – 60+
  5. Siomara Everon – risico groep
  6. Dr. Joaquin van Trigt – huisarts
  7. Dr. Dhyani Giel –
  8. Ronchi de Cuba – risico groep
  9. Pastoor Toti – 60+
  10. Olindo Koolman – 60+ ex Gobernador
  11. Emira Rodriguez-Tromp (Juf Miertje) – 60+
  12. Jourraine Halabi-Figaroa – Verpleegkunde HOH