A transporta baby cu urgencia pa hospital

2767

E momento mas dificil pa mayornan ta ora cu tin cu pidi asistencia pa un caso di urgencia relaciona cu un yiu di nan. Precisamente locual a pasa diadomingo merdia, na momento cu un criatura, un baby, a cay y ricibi hopi mal golpi na su cabes.

Cu urgencia maximo ta pidi presencia di ambulance na sitio cu a transporta e criatura inmediadamente direccion hospital, pa ora polis a yega na sitio ya caba nan a bay cu e criatura for di eynan.

No a ricibi informacion adicional na sitio. Ta un caso lamentabel cu sigur tin atencion di tur envolvi.