Diamars anochi un biaha mas polis a bay atende cu un caso di tiramento. E biaha aki tabata den Sabana Basora Noord. Tabata alrededor di 8:00 pm ora cu un auto color blauw modelo desconoci a pasa y los por lo menos dos tiro riba un cas.
Parti pafo tabatin un habitante di e cas para, pa cual el a hay’e ta core bula cura pa bala no alcans’e. Parce, un rato prome e auto a pasa caba. Ta sospecha cu tin di aber c’un caso di reglament’i cuenta. Despues di un buskeda basta grandi, a logra topa cu un bala den cura.
E bisiñanan ta man na cabes cu e situacion aki, nan no ta biba sigur mas. A hasta mira ken ta e sospechoso cu a pasa los tiro. A notifica personal di team forensico di polis, pa cual a presenta y confisca e huls. Polis a cuminsa cu un buskeda den e area pero no a topa cu e persona cu a pasa los tiro.
