Dialuna pa 10:00pm a topa cu un auto horta den mondi na Boton, na Santa Cruz. Polis a topa cu e auto marca Chevrolet modelo Vivant color berde cu number A-81. E auto tabata scondi den mondi bandi ex Boton Rumshop.
E auto tin varios dia horta caba. A haya e auto intacto, pues nada kibra y tampoco a corta e waya di switch pa horta e auto.
Polis lo investiga awor pa purba yega na e ladronnan responsabel. E auto ta di mama di e conocido cantante Rachel Kraaijvanger.
