E cantidad di casonan ta sigui varia y e biaha aki a bin acerca diestres (13) caso nobo di COVID-19, pero DVG a haci un limpiesa di data. P’esey segun e update aki tin solamente 4 caso nobo y a saca afo 9 caso positivo di personanan cu a test un biaha mas. Sea esaki ta pa motibo medico of relaciona cu labor, cual ta haci e positivity rate bou residente ta di 12%.
Un total di 37 persona a recupera, esey ta pone cu casonan activo a baha cu 33 y awe ta na 310. E cantidad di test haci ta 243, pero laboratorio di hospital a test 99 residente. E cantidad di persona cu a fayece relaciona cu COVID-19 no a cambia y ta na 32.
Hospital ta informa cu tin un total di 7 persona interna di cual 1 ta den cuido intensivo y 6 ta isola riba piso general. Pa por sigui controla e pandemia di COVID-19 ta importante pa comunidad ta constantemente alerto y na prome indicacion di sintoma tuma contacto cu dokter di cas pa por haci un test. Door di isola e casonan positivo nos por controla e virus y stop e di sigui plama.
