Tur aña desde 2008, mundialmente e asina yama ‘Earth Hour’ ta tuma luga durante luna di maart. E ta un evenemento pa concientisa e hecho cu nos mundo ta pasando den cambionan climatico.
Pa tal motibo, diasabra dia 24 di maart di 8:30 pa 9:30 di anochi (ora local) den mas cu 160 pais mundialmente ta wordo pidi pa paga e luznan no esencial pa un ora largo. Individuonan, negoshinan, comercio en general, tur ta wordo encurasha pa aporta na esaki.
Aruba Tourism Authority ta conciente di e cambionan climatico. Di e forma aki A.T.A. ta participa na e tremendo accion ambiental Earth Hour pa paga tur luz no esencial na nan edificio como tambe paden e edificio cu normalmente ta keda cendi anochi. A.T.A. ta apoya iniciativanan sostenibel pa nos futuro generacion y un Aruba duradero.
E origen di Earth Hour a inicia na Sydney – Australia na aña 2007. Siguiente aña el a haya un reconocimento mundialmente y desde e tempo ey, Aruba tambe ta participa. Tambe tin un comision, Earth Hour Aruba Community Group (E.H.A.C.G.) pa concientisa e comunidad Arubano pa cu e importancia riba sostenibilidad di energia.
E meta en general di Earth Hour ta pa concientisa tur hende cu e lucha pa un mundo sostenibel.
