A subi di 5 pa 8 caso di localnan confirma cu Coronavirus

15513

Un rato pasa, Minister Presidente mr. Evelyn Wever-Croes, a anuncia cu e cifra di pashentnan contagia a subi di 5 pa 8. Actualmente Gobierno ta haciendo mas test pa dia, por test te cu 100 hende pa dia! E tres casonan ta un importa di New York, un di Miami y e di tres kisas por ta transmicion local, pero no ta sigur.

E prome mandatario a menciona cu tin mas di 600 caso di ciudadanonan den cuarentena. E Prome Minister ta lamenta cu no ta tur hende ta tene nan mes na e peticion di bay den cuarentena. El a pidi pa tur hende cumpli, sino ora bay over na detene of duna multa na e ciudadanonan aki, pa no yam’e mes pa haci excepcion. 

Gobierno a subraya cu awe, despues di hopi aña, lo impone un “Toque de Queda” riba nos isla for di 9:00pm pa 6:00am….y ta conta pa tur hende! Polis topa cu Bo riba caya, lo detene Bo y Bo lo haya un multa cuantioso.