A stop prohibicion di download TikTok na Merca

1962

A stop e prohibicon di download e app TikTok via e Appstore di Apple y Google Mericano pa 1 siman. E prohibicion mester a drenta na vigor awe, pero a hala esaki awor te dia 27 di september.

Minister di comercio Mericano a informa cu e decision a bin door cu tin desaroyonan positivo. Esey a bin despues cu e compania di software Oracle como partner di tecnologia y supermarket Walmart a bira partner di negoshi pa tuma TikTok over. 

“Nos ta contento cu e proposicion di TikTok, Oracle y Walmart pa kita e preocupacion di siguridad di Gobierno Mericano y preguntanan di TikTok pa futuro na Merca,” segun vocero di TikTok, doño di e compania Chines ByteDance, a vocifera.

Trump ta keur concepto di deal

Oracle ta bira e proveedor di tecnologia di confiansa, responsabel pa host e uzo di Mericanonan y siguridad di sistema pa percura cu tur cos ta bay segun siguridad nacional Mericano. “Nos ta traha temporalmente cu Walmart tambe pa un parnership comercial.” Presidente Donald Trump a laga sa di trempan di ta para tras di e acuerdo entre TikTok, Oracle y Walmart.

TikTok Global lo habri oficina na Texas

E compania nobo, TikTok Global, segun Minister di Finansa Steven Mnuchin, ta resultado di un transaccion di luna pasa cu Trump a pusha basa riba e siguridad nacional door di e compania mama di TikTok. Ta bisa cu e compania Chines ByteDance tin hopi vinculo cu gobierno di China. Trump tin miedo cu informacion personal di Mericanonan ta cay den man di Gobierno Chines.