Diadomingo mainta, hunto cu demas miembronan di comunidad Dominicano na Aruba, hunto cu consulado y Fundacion Dominicana Arubaanse Juan Pablo Duarte, y hunto cu HUMEDA, a haci un ofrenda floral na e busto di Juan Pablo Duarte, pa conmemora e di 207 aña di su natalicio.
Segun Winston Tavares, presidente di Fundacion Dominicano Arubaanse Juan Pablo Duarte, esaki ta un fecha hopi importante pa e Dominicanonan residencia na Aruba, como tambe na Republica Dominicana, ya cu Juan Pablo Duarte ta un di e baluartenan di e Independencia di Republica Dominicana.
Diadomingo a bin rindi honor y tributo riba e fecha di su natalicio riba Plaza Juan Pablo Duarte.
Tabata tin presencia di Cuerpo di Bombero Dominicano del Caribe y tambe algun figura politico cu lo ta participando na e proximo eleccion.
Den pasado
Semper ta bin mainta, pone un ofrenda floral y diferente institucion ta pone un ofrenda floral pa conmemora e natalicio di nan heroe. Dia 27 di februari tin un actividad mas ameno na Aruba. Ta spera cu por haya acogida pa dia 27 y diadomingo anochi lo ta pasando un pelicula na e sede di e fundacion.