Den ora di atardi a sosode un accidente n’e crusada di Rudolf Arendstraat. Dos auto tabata envolvi, un Hyundai i10 color shinishi, number A-73187 y un Kia Sonet color scur number A-20045.
E accidente aki tabata debi pa falta di preferencia. Un di e autonan tabata riba caminda di preferencia. E otro auto no a duna preferencia y consecuentemente a ocasiona e accidente.
Ambos auto a sufri daño material n’e parti dilanti y no por sigui core. Ningun persona a resulta herida den e accidente aki.
