A registra un total di trinta caso nobo di COVID-19

790

E noticia di awe ta cu tin mas caso di hendenan recupera cu tin casonan nobo di COVID-19. Pero tin mas caso di personanan cu a fayece.

Segun resumen di awe  85 persona a recupera, a registra un total di 30 caso nobo di COVID-19, di cual tur ta residente. Cantidad total di testnan ehecuta diahuebs na e diferente localidadnan na Aruba, entre otro laboratorio di hospital, laboratorionan priva y aeropuerto ta 560 test. E ‘Postivity rate’ entre nos residentenan ta 13%.

Activo tin awe 502 caso, cantidad di fayecido relaciona cu Covid-19 a aumenta na un total di 56 persona. Tin pa informa cu e 4 fayecidonan cu a keda registra ayera, 2 a fayece ayera y 2 DVG su seccion di Epidemiologie a wordo informa di nan cu retraso. Por remarca si cu tur tawata interna den hospital pa extra cuido. Edad promedio di esnan cu a fayece cu of di COVID-19 ta 77 aña.

Hospital ta informa cu tin un total di 29 persona interna di cual 10 ta den Cuido Intensivo y 19 riba unidad general di COVID.