A registra companianan di construccion confiabel

Riba prome di december ultimo a enttrega certificacion na nuebe compania cu ta afilia na Fundacion Registracion di Companianan di Construccion (RCC). Tur e companianan ta estableci na Aruba y cu a pasa door di e proceso di certificacion di RCC cu exito. A funda RCC cu e meta pa ofrece companianan afilia na e fundacion aki e oportunidad di uza e logo di RCC pa demostra cu nan ta cumpli cu cierto exigencianan determina.

Cu e paso aki di a ricibi e certificacion di RCC, e companianan di construccion aki na Aruba por demostra cu nan ta cumpli cu leynan y normanan local, ta contribui na e economia di Aruba y ta trata nan empleadonan di un forma responsabel y cu nan ta cumpli cabalmente cu nan obligacionnan relaciona cu esaki.

Ademas, e hecho cu un compania tin e certificacion RCC ta yuda e clientenan na Aruba pa tuma decision mas confiabel y responsabel ora nan ta busca un socio adecua pa nan necesidadnan pa proyectonan di construccion. Mester ta cla cu e companianan afilia na e fundacion ta garantisa di ta cumpli cu tur proceso di siguridad durante e trabou di construccion.

E nuebe companianan di Aruba cu a afilia na RCC ta:

  • Amast N.V.
  • Bohama N.V.
  • Pro-Frame N.V.
  • Croon Elektrotechniek Aruba N.V.
  • Prime Contractors
  • Arubaanse Wegenbouw N.V.
  • BK Consult
  • Albo Aruba
  • Constructiebedrijf Goede Bouw N.V.

A registra e compania oficialmente dia 21 di december 2020 cu e meta pa lucha pa interes y idealnan di e companianan di construccion registra na Aruba. E prome directiva di e fundacion ta consisti di:

  • Rignald Martis como presidente
  • Hose Figaroa como vice-presidente
  • Frank Heitkönig como tesorero
  • Haydy Obispo como secretaria
  • Serge Thijsen como miembro

Pa mas informacion, ta referi na nan website www.fundacion-rcc.com