Den e informacion di awe, DVG ta informa cu 45 persona a recupera, pero di otro banda a registra un total di 73 caso nobo di Covid-19, di cual 6 ta no-residente. E cantidad total di testnan ehecuta ayera na diferente localidad di Aruba, entre otro laboratorio di hospital, laboratorionan priva y aeropuerto ta 803 test. ‘Postivity rate’ entre nos residentenan ta 32%.
Casonan activo pa awe ta 572, cantidad di fayecido relaciona cu Covid-19 a aumenta na 92. Condolencia y forsa na famianan di e fayecido.
Hospital ta informa cu tin un total di 32 persona interna di cual 14 ta den Cuido Intensivo y 18 riba unidad general di Covid.