Sindicato SIMAR a tene su eleccion pa e directiva nobo. Segun Alexander Figaroa, di e comision di votacion, 70% di e maestronan a vota online y 30% a dicidi pa bin personalmente na nan sede pa vota, haciendo esaki un total di 65 persona.
E resultado tabata bisto. Josephine Albertus a keda cu e posicion di presidente di e sindicato. Como secretario tin Anthony Figaroa. Posicion di tesorero a vota pa Yahaira Lesire-Falcon. E otro miembronan pa comisario, tin Dwight Mata, Otami Tomasia, Tricia Ramou y Della Lopez.
Ta gradici esnan cu a postula nan mes pa keda como miembro y tambe pa esnan cu a join e team pa reforsa e team di SIMAR.
Figaroa a splica cu esnan cu a vota, si mira tur e añanan cu tin votacion, esaki tabata un tiki mas hopi. Sinembargo e mandato ta cla. Presidente di SIMAR, Josephine Albertus, a gradici tur esnan cu a pone nan confiansa bek den e directiva y tambe gradici tambe esnan nobo cu a bin reforsa e team, mirando cu awo nan ta un directiva di shete.
Segun Albertus, den nan statuut no ta para cu tin un maximo cantidad di aña cu por keda den directiva. E ta djis stipula cu por reeligi un presidente pa aña y ta depende di e mandato cu haya den veld. Tanten cu e miembronan ta contento cu e trabao cu haci den e directiva y reeligi e miembro, por keda forma parti di e directiva.
E ta agrega cu tabata tin presidentenan cu a keda un total di 10 aña. E ta keda na cada ken pa wak cu e tin tanto aña den e directiva y kier sigui. E ta algo cu tin cu hinca hopi energia den dje y mester gusta loke ta haci.
E directiva aki ta 2 aña y a haya hopi reto nan dilanti y ta sigui cu hopi motivacion y ta contento tambe cu a hayando oido y ta haya sosten di e veld. Por bisa tambe, mirando cu ta tende hopi biaha di veld cu bin tur biaha pa un reunion of haci tur cos cara a cara y mirando con e veld di labor ta desaroyando, por bisa cu a ripara cu esaki a mustra un biaha mas, cu tanto porciento di esnan cu a vota, a haci esaki digital.
Ta scucha e demanda di veld y ta purba di innova y desaroya. Pero ta corda si riba e statuut pa tene cuenta cu loke ta para, segun loke ta para den statuut. E directiva lo keda manera con nan tabata den e temporada aki, trahando, salvaguardiando y garantisando e derecho di e maestronan.
Por bisa cu tin hopi reto mas p’adilanti, pero cu hopi energia y motivacion cu e dos miembronan nobo cu a bin pa reenforsa, lo sigui cu e tremendo trabao cu nan ta haci y lo sigui duna oido tambe na veld.
