E bon impresion cu un persona ta causa, semper lo keda den memoria di tur hende. No ta importa si el a fayece. Y esaki ta e caso di e hoben polis Tino Ruiz.
E hoben aki a perde su bida eherciendo su trabou policial. Diaranson anochi a recorda di dos aniversario di fayecimento. El a fayece na casi e mesun ora cu e sacrificio di misa a tuma luga. Su coleganan a bini hunto den presencia di famia, amigonan y tambe Minister di Husticia Andin Bikker.
Altocomisario Andrew Hoo a recorda e hoben aki y a papia di e peligronan cu e miembronan di Cuerpo Policial ta pasa aden. Hopi biaha nan ta eherce nan trabou den situacionnan peligroso, nan no ta ana cu pistol tur dia. Y esey ta algo cu KPA mester haci, pa salvaguardia siguridad di pueblo. “Tin biaha bo tin cu haci e sacrificio di mas grandi, cu ta duna bo bida.”
E coleganan a laga airbrush e cara di nan colega den uniform riba un porta di auto di Polis.