Barracudas a tene su prome Artistic Swimming Forum cu lo bira un evento anual. A ten’e na comienso di e comienso di e temporada pa e atletanan di e foro, pa duna e informacion necesario pa e deporte aki.

Riba e mainta aki, a reconoce e atletanan cu a competi internacionalmente den e temporada cu a pasa, pero tambe a duna tur atleta, esunnan cu a cuminsa, pero esunnan cu ya caba cu tin como parti di e deporte aki, tur informacion necesario pa participa den e deporte y destaca den e deporte.

A reconoce atletanan di synchro den e prome Artistic Swimming Forum
https://24ora.tv/2kgipNa

Posted by 24ora on Sunday, September 15, 2019 

Fuera di esey, segun Zulema Dabian, presidente di e comite tecnico di landamento artistico, loke cu a duna na nan prome foro, ta e strategia cu tin pa e cuater añanan cu ta bin, cual nan ta yama e Pathway to Panam Games 2023.

A caba di tin e weganan Panamericano na final di juli y comienso di augustus 2019. Awo tin e cuadrenium nobo. Kier pa tur atleta, desde e prome dia, pa cuminsa prepara pa e weganan Panamericano 2023.  E no ta algo di atleta so. E ta un papel grandi di mayornan, rol grandi di coachnan, di e huesnan tambe den e deporte. P’esey e dia aki tabata pa tur e stakeholdernan den e deporte, pa duna tur informacion y haya nan motiva pa e Pathway Panam 2023.

Door cu tin atletanan den e diferente categoria di edad, segun Dabian, no por traha cu un coach so. Tin diferente coach pa cada grupo y e aña aki tin tres coach en total. Tin Coach Jani cu t’ey caba desde 2012. Tin coach Alva cu a coach diferente seleccion, hasta pa weganan Panamericano. Pero e aña aki tin un coach nobo, un coach por yama bon bini na Aruba, cual ta un coach Hapones. E ta biba na Canada, pero e ta di descendencia Hapones. Tur sa cu Hapon, con e disciplina cu nan tin den e deporte. A pensa cu e combinacion di tur e tres coachnan aki, cu ta bay haya e balornan cu kier pa yega exitosamente cu un team y duet na weganan Panamericano 2023.

Awo ta uza e weganan Panamericano como un punto cu kier traha riba dje, pero manera cu tur e presentadornan a menciona na e atletanan, e no ta bay pa e team y duet cu ta yega Panam.

Si cuminsa for di awo, tur atleta di principiante, atletanan hoben cu hasta no lo tin e edad pa participa na Panam 2023, pero si na 2027, tur ta beneficia. Ta traha pa tur bay dilanti, Dabian a expresa.

Comments

comments