Diaranson anochi, pa mas of menos 9’or y 50, un homber burachi coriendo den un Hyundai Accent A-72923, a bira man drechi na un altura di Weng Kee Supermarket, unda cu el a bin dal contra un Mitsubishi Pajero A-65592, net na momento cu e tabata subiendo e caminda.
E Mitsubishi tabata un auto nobo nobo cumpra y e homber burachi a rask’e full. Na momento di impacto e homber burachi a sigui core bay poco poco. E chauffeur di e Mitsubishi Pajero, a core bay su tras na pia mesora y no mucho leu a bin topa cun’e. El a nota di biaha cu homber tabata bou di influencia di alcohol y asina a ranca e yabi for di e chauffeur burachi. Polis a bin mesora y asina a detene e homber bou di influencia.
