Awenochi pa 9:45pm a sosode un accidente riba e caminda principal di Savaneta. Parce cu 4 hoben a horta un auto marca Honda color shinishi y un rato despues a dal den un pal’i luz. Como cu nan sa cu e auto ta horta, e gang a baha na awa asina cu nan a kibra e auto.
Pero polisnan atento a sali busca e chauffeur y su pasaheronan mesora den e area y no a dura mucho cu a topa cu nan tur. A detene e chauffeur mesora mientras cu e tres otro pasaheronan mester a haya atencion medico prome. Nan a admiti di a horta e auto un rato prome.
Door di e accidente un area a keda sin coriente. Polis a pidi presencia di NV Elmar pa por a drecha e palo di luz y reconecta suministro di coriente den e areanan afecta.
Recherche lo investiga e caso, pa cual e hobennan aki awor no tin un idea den cuanto problema nan a hinca nan mes y nan mayornan, cu ta haya nan cu un debe inespera awo.