A perde control dal den acera: Airbag a sali dal chauffeur den frenta

3054

Diasabra anochi laat net prome cu 12:00am a sosode un accidente riba Avenida Nelson Oduber (Ex Sasakiweg) na e rotonde prome cu yega Hospital. E auto marca Toyota modelo Glanza RHD, color blanco tabata core direccion Oranjestad, pero pa un of otro motibo a dal den banda di e rotonde riba acera. Polis a presenta na e sitio pa tuma dato di e accidente.

Como cu e airbagnan di e auto a activa y dal e chauffeur den frenta, a haci cu e chauffeur a resulta levemente herida. Pesey a pidi presencia di Ambulance, pa brinda e chauffeur asistencia medico avansa. Daño material na e auto ta minimo. A transporta e chauffeur pa hospital