A nombra Robin Didder como “Interim Management“ na Colegio San Nicolas

1337

Na Colegio San Nicolas a nombra un interim management den persona di Robin Didder. Den media el a mira di e vacatura y el a tuma un curashi pa solicita. Un di e exigencianan p’e trabou ta cu mester tin eerste graad, cual e no tin pero ta tweede graad docent den Scheikunde.

Esey no tabata suficiente pasobra mester tin habilidad di management. E ta un project manager y tin hopi experencia pa dirigi un scol. Aunke cu un hende por tin eerste graad of titulo di doctorandus, esey no ta nifica cu e por dirigi un scol. Segun Didder, e por a dirigi un compania y esey el a haci.

Un total di 16 hende a aplica, entre otro di Hulanda, Surnam, Corsou y di Aruba. Nan a pasa door di e procedura, unda cu a scoge dos miembro pa fungi den e management team di Colegio San Nicolas. Pa awo Didder ta e adjunct directeur di Middag MAVO, pero desde 2012 el a traha bou diferente directiva di scol. Di 2014 pa 2016 el a traha na Colegio San Nicolas.

El a tuma tempo pa pensa si e kier bay p’e vacatura y e ta cla p’e reto aki. Su so no lo bay p’e reto aki, pero hunto cu un otro colega. Nan tin hopi conocemento y Didder tin 24 aña den enseñansa, unda cu el a traha tanto na Aruba como Corsou y Hulanda. E situacion cu tin actualmente entre docentenan y rector, el a opta pa keda leu di esaki.

Awo Didder tin 1 siman trahando na e scol, a sinti cu resistencia entre e docentenan, e rector saliente y directiva. Tur caminda unda hende bay, semper lo tin resistencia. El a sigui bisa cu tin dos hende di pafo ta bin na e scol, pero nan ta eynan pa mira con pa mehora locual tin na Colegio San Nicolas cu ta bon caba. Den e scol tin expertonan. Trahando hunto riba e desaroyo di e scol, lo por haci esaki mas miho.