Mañan diahuebs Anko Koopmans ta cambia di Director di Dienst Technische Inspectie (DTI) pa Director di Serlimar. E chens ta grandi cu e lo yega na porta di Serlimar topa cu un protesta andando atrobe mescos cu diamars.
Minister Marisol Tromp a acerca Anko Koopmans y mustra interes di Gobierno pa e maneha Serlimar. Esaki a sosode algun siman atras. Djey Anko Koopmans a sigui negocia cu hunta di supervision. Asina nan a yega na un deal aceptabel pa ambos partido.
Anko Koopmans a notifica e personal di DTI caba di su salida y e reto nobo. No ta mucho tempo pasa cu el a tuma e timon over na DTI y awo ta lag’e den man di su suplente cu awor lo keda “belast met de leiding”.
Anko Koopmans mester bay salba Serlimar como un compania di pueblo encarga cu maneho di desperdicio. Ta desea Anko Koopmans tur clase di exito.
