A mira arma di candela: Grupo kier a regla cuenta durante pleno weg’i futbol

Diasabra atardi a pidi presencia di polis cu urgencia na veld di Unistars pa un grupo di hoben cu a presenta p’asina busca problema cu un otro grupo. Parce ta gang di bario contra otro.

Cos a bay asina leu cu un di nan a saca machete pa otro. Mas a leu, mirones a conta cu hasta a mira un arma di candela riba veld. E situacion a bay completamente for di man. Tabata necesario pa pidi refuerso di mas unidad di polis.

A interog'e y lag'e bay: E no ta envolvi den caso di menasa y tampoco tin arma riba dje

Posted by 24ora on Saturday, March 11, 2023

Por a conta cu un total di shete patruya di polis na e sitio, tanto di e districto di San Nicolas, Santa Cruz, K9-Unit y hasta di Playa. A detene un persona y a transport’e pa warda di polis caminda lo present’e dilanti un subfiscal. A wanta un otro hoben tambe pero despues a lag’e bay. Mirando cu a papia di lo a mira un obheto preto, parecido na un arma di candela, a activa team di aresto, pero na final no tabatin mester di nan asistencia.

A mira arma di candela: Grup'i hoben arma a bin busca problema riba veld || Buskeda grandi y cu detencion na Pos Chikito

Posted by 24ora on Saturday, March 11, 2023