Diaranson anochi a tuma luga lansamento di e buki titula ‘Ami ta Bencho’ na UNOCA.. Esaki ta e buki number cinco y clausura di e serie di Bencho, segun su autor, Olga Buckley.
Den buki cinco tur liña di bida di Bencho ta bin hunto. Nos conoce un Bencho den buki un te cu cuater di su ocho aña cu ta yega su diescuater pa diescinco aña. Den buki cinco, Ami Bencho ta un hoben adolescente cu ta ripara cu huy pa e realidad no ta yuda para riba pia. Mester enfrent’e pa por para riba pia.
Loke ta pasa cu Bencho ta, cu e tabata busca su identidad. E tabata poco bruha, pasobra e no a conoce ni su mama y ni su tata. Den su serie e ta pasa masha hopi reto mes, segun su autor.
E proceso di e biahe di Bencho pa finalisa e serie ta un biahe di 15 aña. E serie cu ta yam’e ‘Coming of age’. E ta cuminsa cu un mucha di ocho aña y ta desaroya pa un hoben di diesseis pa diesshete aña.
Olga Buckley ta un maestra retira y ta un promotor ferviente di lesamento. El a lansa 13 aña pasa e proyecto ‘Bon nochi drumi dushi’ pa stimula mucha pa lesa. Tambe e ta un poeta y autor, cu un pasion grandi pa lesa.
Pa mayor cobertura lesa TREMPAN.
