Riba Dia di Himno y Bandera alrededor di 9:35 pm a sosode un accidente n’e crusada di Druivenstraat cu Rondweg. Aki ta caminda cu un auto marca Hyundai modelo Tucson pa un motibo of otro a baha caminda y bay dal contra di un palo di luz.
E chauffeur a ricibi basta golpi na su cara, pa cual ambulance a presenta na sitio pa brind’e atencion medico. E daño material tabata basta. E palo di luz a kibra den dos pida y basta waya tabata colga riba caminda.
Polis a cera caminda p’asina e personal di Elmar por atende cu e palo di luz y e parti di coriente. E chauffeur no tin rijbewijs. Sigur e tin un gasto grandi riba su nomber pa cu e palo di luz.
