Diaranson mainta pa 10’or ta bati alarma bati pa un auto na candela patras di Caya Principal.
Mesora a manda Polis y Brandweer na e sitio. Bomberonan a logra wanta e candela, pero e parti dilanti a kima por completo, cu ta e parti mas importante di e vehiculo.

Esaki ta nifica cu e auto no ta sirbi mas.Door di e cayente di e candela, e vehiculo staciona na banda tambe a sufri un poco daño, principalmente na e bumber.Informacion ricibi na e sitio ta indica cu e caso aki tin di haber cu un incidente cu a tuma luga den oranan di mainta.

Un homber tabata mira con un mucha homber ta maltrata un señora, kende a resulta di ta e yiu. E cabayero a bay hala atencion di e mucha homber aki, y a bis’e cu e no por maltrata su mama. Parce cu esaki no a cay den bon tera. E cabayero despues di e incidente, a bay busca su hermentnan di trabou, di laba auto, y ora cu el a bolbe el a haya su auto na candela. E ta sospecha cu ta e mucha homber a haci e acto aki, pero e no tabata na e sitio mas.

 

Comments

comments