Diahuebs, den oranan di atardi, den careda di 5’or pasa, a drenta informacion cu tin dos mucha cera denauto y nan no por a haya e mayornan.
Polis di Playa a yega mesora na e sitio. A resulta cu ya caba a kibra glas di e auto, pa asina libera e muchanan. Ta trata aki di muchanan chikito. Un di nan un baby cu tabata den auto.
Polis a bay atende cu e mama kende tambe tabata na e sitio. A bin resulta cu e muchanan tabata tin e yabi di e auto, y durante cu nan tabata bezig cu e yabi, a lock e auto y esey a pone cu e mama mes a keda pafo, cu consecuencia cu a bati alarma.
Na mes momento a kibra e glas di e auto tambe, pa asina por a libera e muchanan. E muchanan tabata OK. Polis a papia cu e mama. Despues di a tuma tur detaye, e mama a hinca e baby bek den auto, den su childseat, pone dilanti y a bay cune na banda na un carwash, pa nan stofzuig e auto probablemente pa e glasnan cu a keda kibra den e auto. Danki Dios cu tur cos a caba bon.
