Den un evento hopi ameno na Biblioteca Nacional, a introduci e buki yama “Mi Memorianan”, unda cu Etty Erasmus-Eustacia, ta duna un bista compila di e bida di e conocido ciudadano di e dushi bario di Tanki Leendert, Chinto Erasmus.
E produccion aki a mira luz di dia despues di dos aña y mey di preparacion, cu hopi otro hende cu a yuda, ta contento cu e buki di su memorianan ta publica. Y cu su bida tabata significante pa otro hendenan tambe, Erasmus-Eustacia a comenta.
Den bida bo mester tribi y bo mester por tuma risico. Pero, si bo kier bay dilanti, bo no mester keda para, bo tin cu cana. Esey ta e filosofia di Chinto Erasmus.
Un deseo realisa
Etty Erasmus a publica e buki, pero a mantene su mes como un medewerker, mescos cu e otro contribuyentenan. E ta considera como parti di un team cu a duna bida na e buki. E motornan tabata dr. Florimont van Putten, drs. Igmar de Windt, dr. Pereira y su mesun casa, Joe Eustacia. E tabata tin hopi pasenshi y a mira e cariño cu Etty a brinda na e produccion aki. Bida ta mucho duro y pisa pa Etty sigui como yiu, pa mira con su tata a pasa den su infancia y dado momento e no kier a sigui. Joe a para riba pa sigui cu esaki y awe porfin por bisa cu e buki ta cla.
Mi Memorianan
E buki yama “Mi Memorianan.” Memorianan ta manera cu a encamina e bida, yen di obstaculo. A trompica, pero a lanta y sigui semper, Etty a bisa finalmente.
