Diabierna a bay laga e truck intacto pero awe dialuna mainta a informa doño di “Ban Kome Snack” cu su luga ta kibra. Ora el a yega a constata cu a kibra e lock di porta y drenta den su truck. A bay cu un suma ekivalente na 5 mil florin pa co’i come, co’i bebe y na acesorionan di cushina.
Polis a presenta awe mainta pa constata cu e luga tabata kibra y cu ladron(nan) a drenta den su freezer y frigidair pa bay cu productonan cu nan tin warda pa bende na e truck. Awe nan ta cera pero mester habri diamars, pero awo cu scarsedad di alimento.
E doño a sigura cu e bishita inespera aki lo no stroba nan di habri atroba mañan. E ta lamenta si cu den pleno crisis, caminda comercio ta pasando den basta problema, ta confronta cu ladronnan ta kibra drenta negoshinan pa hinca hende den mas debe cu nan ta caba.