Diadomingo den careda di 12:50 am a start un pelea formal pafo di 809 Night Club situa den Wilhelminastraat. Un persona a resulta herida debi na un hinca na bariga.
Ambulance a presenta na e sitio, unda paramedico a stabilisa e pashent pa despues transport’e pa hospital cu maximo urgencia. Polis a cera e area pa investiga mientras cu a pidi pa haya copia di grabacion di camara pafo, unda ta contene e prueba di e agresor.
Mester menciona cu ultimamente regularmente polis mester presenta na e mesun club, pa motibo di situacionnan asina. Aunke tin siguridad pafo y paden, toch parce cu e clientenan no por comporta sin violencia.
