A herida Mucha inocente: Scribel di Grupo ta Basta y Mitchell Ho-Asjoe di RED a causa problema

11336

Un caso hopi  tristo a sosode den oranan di diasabra anochi. Un grupo di ocho homber a presenta na altura di Parlamento pa bringa cu esnan cu ta hunto cu Richie Danies. Parce tin cierto tiramento di palabra riba FaceBook dor di esnan cu a bin te caminda cu Richie Danies ta hibando su protesta pa causa problema.

Dos detencion a cay. E homber conoci como Scribel y tambe e homber Mitchell Ho-Asjoe riba lista di partido RED a keda deteni. Scribel ta un di esnan cu a bringa y tabata buscando un of otro dama pa regla cuenta. E nombernan cu Scribel a menciona no tabata presente na Parlamento.

Asina mes el a keda causa problema. A mira otro caranan conoci tambe di Grupo ta Basta cu a bin den e gang di Scribel pa causa problema. Scribel den su buscamento di problema a manda un boter cu a spat dal glas di parlamento kibra. E glas a spat corta dos mucha chikito cu tabata presente cu nan mama.

Scribel y Michell Ho-Asjoe ta dos supuesto persona contra abuso di mucha, pero nan mes ta manda boter kibra corta mucha. Haciendo henter un acto di agresividad. Nan a yega un rato prome y asina uni nan mes den gang pa bin bringa. Ta ki ehempel Scibel cu Micthell di RED y e otro miembronan ta dunando.

Dos detencion ora a bin ataca Richie Danies y herida mucha inocente

Posted by 24ora on Saturday, August 8, 2020

Na dado momento ora cu prensa tabata live, Mitchell Ho-Asjoe candidato di RED a cana bin riba un reportero di 24ora pa sea agredi y kita e telefon den pleno transmision live. Ora cu candidato di RED a tira man, Polis a bay mesora riba dje y ta detene tambe. Nan a identifica nan mes como miembro di Grupo ta Basta. Nan comportacion ta laga di desea.

E mama y ruman di Scribel despues di mira kico a sosode, a core yega na e sitio. E momento ey Polis a bay cu su yiu deteni caba. E mama a pidi tur disculpa na e grupo hunto cu Richie Danies. E mama cu su yiunan menor a keda herida cu awa na wowo a conta kico a sosode. E mama di Scribel a splica cu su yiu tabata na cas ta bebe.

Amigonan tambe. Djey nan a planea pa bin causa problema. Asina a yega hunto na Parlamento pa causa e problema cu a termina na dos detencion. Richie Danies tin algun siman eybou. Gusta of laga, e no ta causa daño na ningun hende eynan. Kizas no gusta su presencia of su pancartanan, pero e no ta ataka of causa problema cu hende.

Parce e grupo di Scribel tin un agenda y nan agenda ta bayendo malo. Awor a cuminsa guerra riba FaceBook y reglamento di cuenta personalmente. E mama di Scribel mes a conta cu el a pidi Scribel pa stop cu loke e ta haciendo pa cu abuso di mucha. E mama mes ta haya cu e lucha di Scribel y su grupo ta tempo perdi.