Un otro “milestone” y cambio grandi den cuido medico na Aruba pa mehora nos servicio y cuido medico, asina Minister Dangui Oduber a expresa, cu un satisfaccion grandi. “Sinti e cambio den salud publico. Nos ta cumpliendo cu nos maneho y vision pa mehora cuido na Aruba”.
Vitrectomia ta un operacion di wowo (retina) hopi dificil, complica y importante cu antes no tabata posibel na Aruba. Aruba tabata manda miles di pashent afo pa tratamento di wowo, tur sorto di tratamentonan cu no tabata por na Aruba. Awor, di acuerdo cu e vision y maneho di gobierno, cuidadanonan por wordo trata na Aruba mes.
Tabata gasta miyones di florin pa manda pashentnan afo pa cuido di nan wowo. Awor nos hendenan por haña cuido na Aruba mes. IMSan awor a inverti den un clinica specialisa den cuido di wowo y tin ekipo “state of the art”. Dokternan y nursenan a haña hopi entrenamento pa por uza lo ultimo de lo ultimo. Pashentnan por keda cerca di nan famia.
Turistanan tambe ta sinti cu nan ta den un pais bon desaroya, caminda tin bon cuido medico. Cambionan grandi tumando lugar den cuido medico na Aruba, cambionan cu ta haci e diferencia. Minister Oduber ta masha gradici y orguyoso di e desaroyonan positivo na IMSan.
