Diasabra mainta a drenta informacion den careda di 11or riba un accidente cu a sosode na Pos Abou. Habitantenan na un cas a lanta y ora a bay pafo pa subi auto a bin topa cu e Mitsubishi Lancer destrui.
A yama Polis. Polis di trafico y tambe Polis di Playa a bay na e sitio. Na yegada a papia cu e habitantenan cu a bira victima di e hit and run. Ta bon cu nan tabata tin camera di seguridad. Ora a bay analisa e video a mira cu e pickup Ford Ranger di e bisiña banda pabou tabata e auto cu a reverse dal den e Mitsubishi Lancer banda di 5:30 di mainta.
Un Kia cu tabata bin di direccion contrario di e pickup a desvia pa e chauffeur cu e pickup no dal den dje y a sigui bay dal den e Lancer. E Lancer a haya basta daño. Djey e chauffeur cu e pickup a gewoon bay dilanti. Tabata tin un chauffeur cu otro pickup eynan cu conoce e chauffeur cu a ocasiona e accidente. El a reverse e pickup di dje y bay topa mas pabou cu e chauffeur cu a hit and run. No sa si nan a bandona e area di Pos Abou hunto den e Toyota Pickup blanco.
Polisnan a tuma tur datos. A bay na e cas unda e Ford Pickup a keda para. Eynan a busca manera di haya e chauffeur di e Ford cu a hit and run. A papia cu hende pa purba haya sa nomber di e doño di e pickup. E Ford su papelnan Polis kier a chek. E tin number nobo pero no sa si tur papel ta na ordo y si e chauffeur tabata na tino 100% ora di e accidente. Personal di Forensys tambe a tuma datos.
