Dialuna mainta, pasa di 10’or, patruyanan di Noord, durante un control den e area di Tanki Leendert a topa cu un auto sospechoso y a bay stop pa asina controla su documentonan.
Momento cu a para e auto, a resulta cu e chauffeur no ta un persona local. A cuminsa haci’e algun pregunta y a bin resulta cu e persona aki no ta legal riba nos isla. Ta trata aki di un persona ilegal y cu pa algun tempo caba no a regla su papelnan. E no por a mustra polis un documento valido pa loke ta su status legal riba Aruba.
Esey ta suficiente motibo tambe pa el a wordo deteni. A pone para keto y a pidi presencia di transportwagen. Na yegada di transportwagen nan a hink’e den auto pa asina sigui e proceso, hunto cu Guarda nos Costa, pa mira su status, si realmente ta motibo pa e wordo deporta, mirando cu legalmente su status no ta OK riba nos isla, segun nos leynan di stranheria.
