Awemainta alrededor di 7:00am un patruya di Kustsurveillance a topa cu un homber di edad hoben canando riba caminda den Lago Colony. A pidi’e su documentonan pa prueba cu e tin permiso di estadia riba nos isla y ora cu e no por a saca e permiso, a detene mesora.
E mes a bisa cu e tabatin algun dia caba eybanda y cu e tin sed, pero e Polisnan a bise cu esey no por ta posibel ya cu nan tin varios dia ta vigilando e area. Nan mes a duna e homber awa pa e bebe sperando un otro patruya pa transporte pa Warda di Polis.
Tambe autoridadnan a topa cu varios vest den area. Ora a keda cla cu e prome detencion, poco mas pabou di Centro Colorado a topa un otro homber cu ya nan tin varios dia ta vigila den e area. E ta un meneer local pero a haye cu cuchui.
E ta canando varios dia caba den un area conoci pa ilegalnan sconde. A detene y tuma su celular den beslag pa investiga, ta sospecha cu e ta facilita ilegalnan cu artefactonan pa nan por sali mas lihe for di Colony.
Kustsurveillance a keda den e area pa check si nan lo por a topa cu mas hende ya cu e tip cu nan a haya ta cu un grupo di 4 Venezolano a yega Aruba cu boto via lama na altura di Santana di Cacho cerca di Baby Beach.
