Awe marduga alrededor di 2:30am autoridad a capta señal di un boto biniendo for di zuid. Den un bon coordinacion di polis, a logra activa diferente unidad pa controla den Sero Colorado. Mester menciona cu no obstante cu ta garando mayoria, toch Venezolanonan ta sigui “purba nan suerte” y bin Aruba den forma ilegal soñando den un miho porvenir riba nos isla.
Algun rato despues, pa mas of menos 2:50am a logra detene dos persona cu tabata scondi bou un mata di druif na Baby Beach. Djey a logra haya un otro poco mas pabou cu tabata scondi memey di mata tambe. Algun minuut despues di 3:15am a bolbe gara dos.
Despues di un rato a gara un mas. Pues un total di seis. persona a haya den e area di Baby Beach. A interoga tur, nan version por poco tabata cuadra cu otro. Mayoria di nan a bisa cu algun di nan a huy un rato prome den un auto y cu tin tres ainda scondi den Sero Colorado.
A transporta e seis sospechosonan pa ward’i polis mientras cu mas unidad di otro districto a bin yuda polis di San Nicolas cu e buskeda.
Mester remarca cu a haya e stranheronan indocumenta cu tas y otro obheto. Un di nan tabatin un bulto lora den plastic. Ainda no ta conoci si a haya droga of no.
