Autoridad Mericano na Airport a pone man riba un pareha di Aruba cu tabata saliendo pa Merca. Esaki a pasa net den fin di siman. Pa evita cu ta stroba investigacion, a pidi pa wanta e noticia un tiki mas prome cu public’e. Esey ta netamente loke nos redaccion a haci tambe.
Asina mes mester bisa cu na Airport tin dos control ora di salida pa Merca. Tin e control local y e control Mericano cu Douane Mericano. E ultimo aki a pone man riba nan prome cu sali cu avion. A kere cu nan lo pasa bay sin problema pasobra tur hende nan cabes lo ta pa Covid-19 kizas.
Aki e pareha a faya. Ora Douane Mericano a pone man riba nan, a pasa nan over na Douane Recherche di Aruba. Nan a pasa tambe e proceso di interogacion. Djey a hiba nan na e Departamento di droga di Cuerpo Policial cu lo sigui e investigacion mas leu.
