A gara hoben cu a purba hinca droga den KIA

Diasabra atardi un hoben a bay haci bishita na un preso. E sospechoso gara cu droga na Kia ta Dwight R di 18 aña cu tin amigonan sera den prison. Ora di bishita mester pasa e control di CEA. Esaki ta prome cu yega na e area di bishita. A bin descubri e hoben cu droga den su poder. Su intencion tabata pa hiba e droga cerca e preso cu el a bin bishita. Seguridad na Kia a tene y avisa Polis. Polis di San Nicolas a bin buske y hibe geboei. Na warda mester duna un declaracion riba e droga haya den su poder y intencion di drenta cu esaki den prison.

Probablemente cu e bishita aki cu droga den su poder lo hacie un persona nongrata na Kia ora di bin haci bishita. Mescos cu e persona aki tin hopi otro cu tambe ta ser gara cu droga durante control ora di bin pa bishita. Asina mes cu ta gara hende cu ta bin bishita Kia cu droga y kita e droga, tog tin humamento di droga den Kia tur dia. Un caminda e droga ta yega den prison.